Në seancën e sotme parlamentare, Andrea Mano dhe Erjon Meka kanë marrë mandatet e Ervin Salianjit dhe Jurgis Çyrbjas
Dy deputetët e rinj, Andrea Mano dhe Erjon Meka u betuan në Kuvend.
Mano do të zërë vendin e ish-deputetit të PD, Ervin Salianjit, pas dënimit të tij me 1 vit burg për kallëzim të rremë në dosjen Babale.
Ndërkohë, Meka do zërë vendin e ish-deputetit të PS, Jurgis Çyrbja, i cili u arrestua për lidhje me bandat kriminale në Durrës.
Jurgis Çyrbja u arrestua mbrëmjen e 20 tetorit, bashkë me Ahmet Mashën, kunati i vëllait, edhe bashkëpunëtori i ish-deputetit.
Akuza të rënda rëndojnë ndaj ish-deputetit të Partisë Socialiste, Jurgis Çyrbja, i cili u ‘fundos’ pas zbërthimit të bisedave në aplikacionin e koduar ‘Sky ECC’.
Shitje e sekretit shtetëror tek kriminelët, dekonspirim i operacioneve të Policisë së Durrësit, informoi Altin Hajrin për lëvizjet e policisë pas vrasjes së Jan Prengës, e deri tek bashkëpunimi me Hajrin për t’i siguruar vota në qarkun e Durrësit, ku Çyrbja ishte edhe në listën e sigurt për deputet në zgjedhjet parlamentare 2021.
