Joz Marku dhe Loredana Brati, të cilët u lidhën gjatë qëndrimit në ‘Big Brother VIP Albania’ nuk po e ndjekin më të njëjtën rrugë edhe jashtë saj.
Së fundmi, Jozi ka hequr Loredanën nga lista e ndjekësve në Instagram, ndërsa ajo ende e ndjek atë. Ky veprim ka shkaktuar reagime të shumta në rrjet, duke bërë që ndjekësit të aludojnë për një ndarje mes tyre.
Spekulimet janë shtuar edhe më shumë kur këngëtari publikoi një këngë të re, me tekst që flet për dhimbjen dhe ndarjen.
Duket se marrëdhënia e tyre ka marrë fund pa shumë zhurmë, por me shumë zëra.
