Shirat e rrëmbyeshëm shkatërruan qytetin nigerian të Mokwa dhe shkaktuan vdekjen e të paktën 25 personave, thanë shërbimet e emergjencës të enjten, ndërsa kërkimet për trupa të tjerë vazhdojnë.
Përmbytjet ndodhën pas një stuhie të fortë që goditi qytetin të mërkurën vonë, duke përmbytur të paktën 50 shtëpi dhe duke lënë 10 persona të zhdukur, përveç viktimave të konfirmuara.
“Uji i rrëmbyeshëm përmbyti dhe shkatërroi mbi 50 shtëpi banimi së bashku me banorët e tyre”, tha Abdullahi Baba-Arah, drejtor i përgjithshëm i Agjencisë Shtetërore të Menaxhimit të Emergjencave të Nigerit.
Nigeria është e prekura çdo vit nga përmbytje të tilla që ndodhin gjatë sezonit të shiut, i cili zgjat nga maji deri në nëntor. Shkaktarët kryesorë të këtyre përmbytjeve janë kullimi i pamjaftueshëm, ndërtimi i shtëpive mbi kanale ujore dhe grumbullimi i mbeturinave në kanale kulluese.
