Një ngjarje e rëndë është regjistruar ne qytetin e Durrësit, ku një 54-vjeçare ka humbur jetën gjatë një ndërhyrje kirurgjikale në një nga klinikat private të qytetit.
Burime për mediat bëjnë me dije se ngjarja ka ndodhur në klinikën private “Villa Alba”, ku ka qenë kirurgu i përgjithshëm, Ilir Shani ai i cili ka operuar gruan me ininciale M.Xh.
Sipas të njëjtave burime mësohet se 54-vjeçarja ka qenë duke kryer një ndërhyrje për ngushtim stomaku, kur papritur gjendja e saj shëndetësore u përkeqësua dhe fatkeqësisht humbi jetën.
Lidhur me këtë ngjarje, blutë e Durrësit kanë proceduar në gjendje të lirë mjekun Ilir Shani, i cili rezulton të jetë dhe pronari i këtij spitali.
Sakaq, autoritet kanë nisur një hetim të thellë ku dhe po shqyrtojnë shkaqet e vdekjes dhe po mbledhin prova të mjaftueshme për të hedhur më tepër dritë lidhur me këtë ngjarje dhe mbi shkakun i cili solli dhe vdekjen e pacientes në duart e mjekut Shani.
“Referuan materialet në Prokurori, ku nisi procedimi në gjendje të lirë për veprën “Neglizhenca në trajtimin mjekësor”, për shtetasin I. Sh., 59 vjeç, banues në Durrës, me detyrë mjek, pasi në klinikën e tij, ka humbur jetën gjatë një ndërhyrjeje kirurgjikale, shtetasja M. Xh., 54 vjeçe, banuese në Durrës”, njoftoi Policia më herët.
Sakaq, në faqen zyrtare të spitalit mjeku Ilir Shani thuhet se është me një eksperiencë më shumë se 30-vjeçare në fushën e kirurgjisë gjenerale.
Ai i siguron pacientët për një shërbim të specializuar në fushën e kirurgjisë gjeneralë, duke përdorur kështu edhe kirurgjinë laparoskopike, e cila e cila paraqet teknikën më të përparuar në trajtimin e patologjive kirurgjikale.
