Ish-ministri Ilir Beqaj ka mohuar akuzat për shpërdorim detyre në lidhje me koncesionin e sterilizimit, gjatë dëshmisë së tij në gjykatë. Ai shprehu pakënaqësi për mënyrën si paraqitet emri i tij në dosje dhe tha se është i fundit në listën e të pandehurve.
Sipas Beqajt, kjo nuk është një “çështje sterilizimi” por një kontratë me gjashtë komponentë, ku sterilizimi përbën vetëm një pjesë. Ai kritikoi gjithashtu mënyrën si është caktuar avokati mbrojtës dhe vuri në dyshim ligjshmërinë e hetimit, duke theksuar se e njëjta çështje ishte pushuar më parë nga Prokuroria e Tiranës.
“Dosja përmban të dhëna të pasakta. Procedimi ndaj meje nuk duhej të niste fare,” u shpreh ai para gjykatës, duke kërkuar të mos paragjykohet.
