Një stallë në fshatin Vukatanë të njësisë administrative Gur i Zi në Shkodër është shkrumbuar nga zjarri.
Zjarri në pak minuta dogji çdo gjë, rreth 22 derra, bazën ushqimore dhe një automjet të parkuar aty pranë.
Pronari Angjelin Gjoni tregon se mundi i 22 viteve u dogj në pak minuta, ndërsa dyshon që zjarri të ketë ardhur nga shkëndija elektrike.
Megjithë ndihmën e dhënë nga fqinjët dhe ndërhyrjen e shërbimit zjarrfikës, ka qenë e pamundur të shpëtohej diçka nga kjo stallë.
Fatmirësisht u shmang përhapja e flakëve në banesën e familjes Gjoni që ndodhet aty pranë./iliranews
