Një aksident është regjistruar në aksin rrugor Korçë–Pogradec, pranë fshatit Pirg.
Sipas njoftimit të policis, shoferi i automjetit ka humbur kontrollin, si pasojë mjeti ka dalë nga rruga, duke u rrëzuar në një parcelë të mbjellë.
Në aksident kanë ngelur të plagosur drejtuesi i mjetit M. Xh., 32 vjeç, dhe vajza e tij e mitur pasagjere në automjet. Ata janë transportuar me urgjencë drejt spitalit, të cilët ndodhen jashtë rrezikut për jetën.
Njoftimi policisë:
Maliq/ Informacion paraprak
Rreth orës 17:00 në aksin rrugor “Korçë-Pogradec”, në fshatin Pirg, shtetasi M. Xh ., 32 vjeç, duke drejtuar automjetin dyshohet se ka humbur kontrollin mbi drejtimin e tij, dhe si pasojë automjeti ka dalë nga rruga.
Nga aksidenti është dëmtuar drejtuesi i automjetit shtetasi M. Xh., dhe vajza e tij e mitur pasagjere në automjet, të cilët po merr mjekim në spital, në gjendje jashtë rezikut për jetën.
Grupi hetimor po punon për sqarimin e rrethanave të aksidentit.
