Një ngjarje e rëndë ka ndodhur ditën e sotme në fshatin Poroçan të Gramshit. Kanali i një hidrocentrali në fshat është shembur dhe si pasojë dheu ka zënë poshtë dy punëtorë. Mësohet se viktimat ishin të moshës 22 dhe 32 vjeçare dhe po punonin në një kantier ndërtimi kur u shemb aksidentalisht një masiv dheu.
Njoftimi i policisë:
Gramsh/Informacion paraprak/Në fshatin Holta, gjatë punës në një kantier ndërtimi, dyshohet se aksidentalisht ka rrëshkitur një masiv dheu, dhe për pasojë kanë humbur jetën shtetasit A. B., 22 vjeç dhe E. Ll., 32 vjeç. Grupi hetimor vijon punën për zbardhjen e rrethanave dhe dokumentimin e plotë ligjor të rastit.
