Dy ditë para zgjedhjeve, ambasada amerikane u është drejtuar me një mesazh tjetër qytetarëve shqiptarë.
“Vota jote është zëri yt. Vota jote është e ardhmja jote. Vota jote nuk ka çmim”, thuhet në mesazhin e shpërndarë nga ammasada në Facebook.
Dy ditë më parë, duke theksuar rëndësinë e votës, ambasada dërgoi të gjithë shtetasve shqiptarë me të drejtë vote, se vota është personale dhe duhet të shprehin vullnetin e tyre pa pasur frikë.
“Mos lejo të tjerët të flasin për ty. Vota jote është vetëm e jotja. Voto pa frikë”, thuhet në mesazhin e ambasadës.
Të dielën e 11 majit, shqiptarët do tu drejtohen kutive të votimit për të zgjedhur të mandatuarit e tyre në Kuvendin e Republikës së Shqipërisë për 4-vjeçarin e ardhshëm, si dhe forcën politike që do të qeverisë vendin.
