Ish-Presidenti Ilir Meta ka vlerësuar me nota entuziaste mitingun e organizuar sot në Korçë nga “Aleanca për Shqipërinë Madhështore”, duke e cilësuar atë si një moment historik për ndryshimin dhe fitoren.
Sipas Metës, mijëra qytetarë u bashkuan në shesh për të dëshmuar vendosmërinë e tyre ndaj asaj që ai e quan “Narkoregjimi”, duke shpallur mbështetjen e tyre për kandidatin Gentian Çala dhe duke përçuar një mesazh të fuqishëm për të gjithë vendin në prag të zgjedhjeve të 11 majit.
Postimi:
E shkëlqyer Korça, që vulosi sot fitoren dhe ndryshimin me mitingun e saj të mrekullueshëm të “Aleancës për Shqipërinë Madhështore”.
Mijëra qytetarë të Korçës treguan sot me vendosmërinë, atdhetarinë dhe qytetarinë e tyre, se nuk pajtohen kurrë me Narkoregjimin dhe se e duan Korçën Madhështore, ashtu sic ajo e meriton të jetë.
Korça do të votojë në mënyrë plebishitare ndryshimin dhe fitoren e “Aleancës për Shqipërinë Madhështore”, sepse është dhe mbetet simboli i kulturës dhe patriotizmit dhe nuk mund të pajtohet kurrë me banditizmin, mediokritetin dhe amoralitetin e Narkoqeverisë.
Korça do të votojë me bindje Gentian Çalën, mjekun humanist duarartë, qytetarin e shkëlqyer, prindin e bashkëshortin shembullor, njeriun e shtruar dhe zemërmadh që i gjendet gjithmonë pranë çdo qytetari në nevojë.
Korça me votën e saj plebishitare do të nderojë sakrificën e jashtëzakonshme të deputetit Ervin Salianji, që u përball si luan me Narkoshtetin pa ju trembur asnjë sakrifice.
Nga Korça, sot lajmi i fitores së madhe është shtrirë në çdo skaj të Shqipërisë, sepse 11 Maji është dita e çlirimit të çdo shqiptari nga banditët, plaçkitësit dhe tradhëtaret e kombit të Narkoqeverisë.
Faleminderit Korça!
