Dy persona humbën jetën dhe një tjetër mbeti i plagosur rëndë të martën si pasojë e një shpërthimi në një strukturë industriale që i përkiste një kompanie kimike në provincën qendrore iraniane të Isfahanit, raportoi agjencia zyrtare e lajmeve IRNA.
Ngjarja ndodhi rreth orës 10:00 të mëngjesit, sipas kohës lokale (07:00 GMT), në një uzinë të vendosur në qarkun Shahinshahr, raportoi Mansour Shishehforoush, drejtor i përgjithshëm i departamentit të menaxhimit të krizav provinciale.
Sipas tij, personi i plagosur ka pësuar djegie të rënda dhe është transportuar me helikopter drejt spitalit. Shishehforoush shtoi se shkaku i incidentit do të bëhet i ditur pasi të përfundojnë hetimet.
IRNA raportoi gjithashtu se kompania ku ndodhi shpërthimi ishte e përfshirë në prodhimin e fishekzjarrëve.
