Detaje të reja kanë dalë në dritë në lidhur me autorin e vrasjes së Renato Hoxhajt, 58-vjeçar në Vlorë, i cili mbrëmjen e djeshme u arrestua në Tiranë.
Sipas burimeve bëhet me dije se personi që është arrestuar është nga Tropoja, i cili dyshohet se ka ndihmuar në realizimin e vrasjes së Renato Hoxhajt në Vlorë.
Gjithashtu, thuhet se i dyshuari, merrej me shitje pronash njihet si mik Rohan Brahimit, ndërsa mësohet se ka luajtur rol të rëndësishëm në sigurimin e kushteve për krimin.
Hetimet e zhvilluara nga Policia e Vlorës mbrëmjen e djeshme çuan në identifikimin e mjetit që u përdor nga autori i krimit, ei cili i ishte dorëzuar autorit nga i arrestuari pak para ngjarjes, ndërsa mjetit i kishin ndërruar edhe targat për të shmangur identifikimin.
Gjatë kontrollit ndaj të dyshuarit, policia ka sekuestruar një telefon, brenda të cilit janë zbuluar të dhëna të rëndësishme për hetimin. Dyshohet se vrasja e Hoxhajt është porositur nga një grup kriminal që operon nga Emiratet e Bashkuara Arabe.
Ndër të tjera, viktima kishte kohë që ndiente rrezik për jetën, ku rreth dy muaj para ngjarjes, ai kishte instaluar kamera sigurie në banesën e tij në Vlorë, të cilat kanë kapur pamjet e ngjarjes dhe mjetin e përdorur nga autori. Megjithatë, frikën për një atentat të mundshëm nuk e kishte raportuar në polici.
