Ka dalë fotoja e autorit të vrasjes së 58-vjeçarit Renato Hoxhaj, të cilin e ekzekutuan në orët e para të mëngjesit të 27 Prillit në lagjen “Hajro Çakërri” të Vlorës.
Kjo është bërë e mundur nga kamerat e sigurisë pranë zonës, ku në foto shihet se autori i veshur me të zeza dhe i mbuluar me maskë në fytyrë, që të mos vihet re.
Nga këto detaje mësohet se ky mund të jetë autori i dyshuar i vrasjes së Renato Hoxhajt.
Kujtojmë se mbrëmjen e djeshme, policia ka shoqëruar në komisariat një person me inicialet E.M., pasi dyshohet se ka ndihmuar autorin e vrasjes së Renato Hoxhajt në Vlorë tre ditë më parë.
Renato Hoxhaj 58 vjeç u qëllua për vdekje me armë zjarri në lagjen “Hajro Çakërri” në Vlorë pranë banesës së tij.
Kamerat e sigurisë kanë filmuar autorin e krimit i cili ishte i maskuar me kapele dhe shall duke vështirësuar identifikimin e tij. Autori qëlloi 4 plumba drejt Renato Hoxhajt, dy të cilat e kapën në trup.
Shkaqet dhe rrethanat e ngjarjes janë ende të paqarta. Viktima ishte shprehur me familjarët se e kërcënonin për shtëpinë me qëllim që aty të ndërtohej një pallat, por Hoxhaj nuk kishte pranuar.
Dyshohet se në ngjarje janë përfshirë disa persona. Lidhur me krimin vijojnë hetimet nga autoritetet ndërsa të tjera detaje priten në vijim.
Mbrëmjen e djeshme, Karamuço theksoi se autori tjetër i dyshuar është shtetas i huaj, i cili dyshohet se është arratisur drejt Greqisë.
Sakaq, eksperti i kriminalistikës u shpreh se për vrasjen e cila fillimisht u dyshua për motive pronësie, kemi të bëjmë me një ekzekutim mafioz të porositur nga grupe kriminale në Dubai.
