Gjykata e Posaçme (GjKKO) vendosi një ditë më parë të shtyjë për sot marrjen e vendimit për dërgimin ose jo të çështjes ndaj Sali Berishës për gjykim.
Avokati i tij, Genc Gjokutaj, deklaroi dje se vendimi ka rrëzuar të gjitha kërkesat e paraqitura nga mbrojtja gjatë seancave paraprake.
Gjokutaj u shpreh: “Gjykata rrëzoi kërkesat tona për pavlefshmëri në lidhje me ekspertët. Kërkuam kohë për t’u konsultuar për këtë vendimmarrje, të cilën e konsiderojmë të paligjshme. Nesër do të mësojmë kur gjykata do të shpallë vendimin përfundimtar për dërgimin ose jo të çështjes në gjykim. Jemi ende të paqartë mbi këtë proces gjyqësor. Nuk mund të shprehem ende për hapat e mëtejshëm pa u konsultuar me personat përgjegjës. Kërkesat tona janë mbështetur në Kodin e Procedurës Penale.”
Sot mbetet për t’u parë se cili do të jetë sot vendimi i GjKKO-së për çështjen Partizani.
