Kryedemorkati Sali Berisha zhvilloi një takim me banorët e Vorës dhe Kasharit këtë të mërkurë, ku prezantoi kandidatët e “Aleancës Për Shqipërinë Madhështore” të qarkut të Tiranës.
Në fjalën e tij ai tha se “ASHM” është koalicioni më i madh dhe më madhështor që prej 1990-ës.
Ndërkohë u ndal edhe te deklarata e kryeministrit Edi Rama, për të cilin Berisha tha se po sulmon burrat që të spostojë vëmendjen nnga problemet e vërteta.
“Kjo është aleanca më madhështore që nga viti 1990, më e madhja që do ndikojë në mirëqenien tuaj, sigurinë tuaj, të ardhmen tuaj dhe të fëmijëve, të Vorës, Kasharit dhe më gjerë. Jemi parti e vlerave themelore të shqiptarit dhe shoqërisë. Në kombin tonë, si në të gjithë kombet e tjera, themeli është familja. Vijmë me një projekt për familjen shqiptare. Kombi i fortë vjen me një familje të fortë. Nuk jam polic morali, por dashuria mes burrit dhe gruas, respekti i ndërsjellë është morali më i lartë i shoqërisë. Asnjë motër, nënë apo motër nuk do donte t’u shahej djali, bashkëshorti, prindi. Kjo fushatë vulgare e Ramës, që kërkon të zhvlerësojë familjen dhe konceptin e saj, ka një qëllim, që të spostojë vëmendjen tuaj, nga problemet e vërteta të familjes shqiptare“, tha Berisha.
