Zegjine Çaushi, kandidatja e Partisë Socialiste në Roskovec është kallëzuar në Komisionin Qendror të Zgjedhjeve për përdorimin e aseteve shtetërore në fushatën zgjedhore.
Është organizata Qëndresa Qytetare ajo që ka denoncuar në KQZ Çaushin dhe ministrin e Brendshëm Ervin Hoxhëa, e për këtë të fundit tashmë KQZ ka njoftuar se ka nisur procedimin administrativ.
Ministri Hoxha u filmua në Tiranë teksa shpërndante një kuti me fletushka për zgjedhjet parlamentare, duke përdorur makinën zyrtare. KQZ thotë se ka nisur procedurën për masë administrative ndaj tij.
Ndërsa Zegjine Çaushi është denoncuar pasi është fotografuar duke kryer fushatë brenda ambienteve të shkollës 9-vjeçare “Rramen Dashi” në Arapaj.
