Një ngjarje tragjike ka ndodhur në fshatin Duçaj të Koplikut, ku një person ka humbur jetën, ndërsa një tjetër është në gjendje kritike pas një aksidenti gjatë prerjes së drurëve.
Incidenti ka ndodhur në një zonë malore, ku dy të rinj ishin duke prerë dru për zjarr, por fatkeqësisht motorseka i rrëshqiti njëri prej tyre nga duart, duke u bërë shkak për tragjedinë.
Sipas raportimeve, njëri prej të rinjve ndërroi jetë në vendngjarje, ndërsa tjetri është dërguar në spital në gjendje të rëndë. Shkaqet e aksidentit ende nuk janë sqaruar, dhe policia ka mbërritur në vendngjarje për të hetuar më tej rrethanat.
