Trajneri i Milanit, Sérgio Conceição, foli në një konferencë për shtyp përpara derbit kundër Interit në Kupën e Italisë, duke nisur me një homazh për Papa Françeskun:
“Ishte një njeri i jashtëzakonshëm, më i miri i Kishës Katolike. Do na mungojë me fjalët dhe shikimin e tij. Unë shkoj çdo ditë në meshë në orën 18:30 në qendër të Milanos.”
Deklaratat kryesore të Conceição:
Vlera e ndeshjes së nesërme: “Për ne është një ndeshje thelbësore. Skuadrat e mëdha duhet të arrijnë në fund të çdo gare. Duam t’u dhurojmë tifozëve këtë trofe.”
Pas ndeshjes me Atalantën: “Ata patën zotërim topi, por pa raste. Pas pjesës së parë, për 15 minuta nuk kaluan gjysmën e fushës. Gabimi kolektiv na kushtoi. U diskutua me ekipin dhe jemi të vetëdijshëm për rëndësinë e derbit.”
Gjendja e Walker dhe Loftus-Cheek: “Kanë stërvitur me ekipin. Nuk janë 100%, por do të jenë të gatshëm.”
Formacioni me tre mbrojtës: “Moduli është i rëndësishëm, por më e rëndësishme është dinamika e ekipit. Ndonjëherë kemi shtuar një mbrojtës më tepër edhe me sisteme të tjera.”
Si përballen me Interin: “Duhet të shfrytëzojmë dobësitë e tyre dhe të ruhemi nga pikat e forta. Kanë shumë cilësi me topin, por edhe ne kemi treguar shumë gjëra pozitive në sulm.”
Inter i lodhur? “Janë mësuar me shumë gara, si edhe ne. Kanë grup të gjerë dhe cilësor.”
Çfarë Milani pret? “Më të mirin. Do jetë një Milan konkurrues, me shumë vetëbesim dhe motivim.”
Motivim shtesë për të ndaluar ‘tripletën’ e Interit? “Jo. Motivimi nuk vjen nga kundërshtari, por nga puna jonë e përditshme.”
Partneriteti Reijnders–Fofana: “Janë lojtarë të jashtëzakonshëm, por dinamika krijohet nga çiftet në fushë. Balanca është thelbësore.”
Pozicioni i Gimenez: “Nuk ka hierarki fikse. Forma e momentit vendos. Ai erdhi, bëri mirë, shënoi. Pastaj zgjedh trajneri.”
A mund të ndryshojë kjo ndeshje gjykimin e sezonit? “Një sezon pozitiv do të ishte fitimi i Scudetos dhe arritja në fund të Champions. Për një klub si Milani, finalja e Kupës duhet të jetë diçka normale.”
Si është Conceição vetë? “Do flas për veten dhe për punën time në fund të sezonit. Atëherë do analizoj gjithçka.”
