Gjykata Antikorrupsion la në burg pa afat shefin e Policisë Rrugore të Tiranës, Roven Zeka, dhe atë të sektorit të aksidenteve, Sokol Novaku.
Në bashkëpunim, ata dyshohen se kanë marrë ryshfet në këmbim të lehtësimit të pozitës së një gruaje që kishte shkaktuar aksident.
Ngjarja ka ndodhur në datën 16 prill në Tiranë, ku dy automjete janë përplasur me njëri-tjetrin. Si pasojë, pesë personat që udhëtonin në njërën nga makinat janë dërguar në spital për të marrë ndihmë mjekësore.
SPAK dyshon se për të kryer këtë favorizim, zyrtarët e Rrugores kanë marrë 2 mijë euro.
Dje, për të njëjtën ngjarje, u la në burg edhe oficeri i Policisë Gjyqësore, Edison Tabaku.
