Një banderolë kundër kryeministrit Edi Rama është shfaqur sot në qendër të Tiranës dhe është filmuar nga kalimtarë.
Ajo është vendosur në njërën prej kullave në qendër të qytetit, e cila shpesh është komentuar për ngjashmërinë e saj me figurën e Ramës. Banderola paraqet një rrobë të gjatë, ku emri “Rama” është shkruar me të zeza, ndërsa mbi të dallohen fjalët “ik ik ik” me të kuqe.
Pamjet dhe fotot e saj janë përhapur me shpejtësi në rrjetet sociale gjatë ditës së sotme.
