Nëse keni menduar se jeta në Dubai është vetëm ajo që shfaqet në internet, mbase gavoheni!
Një fotograf iranian ka dokumentuar përmes aparatit të tij realitetin e hidhur të punëtorëve nga Azia Jugore, të cilët mbërrijnë në Dubai me ëndrra për të ndërtuar një të ardhme më të mirë për familjet e tyre. Por në vend të mundësive, ata përballen me kushte të vështira jetese, paga minimale dhe punë rraskapitëse nën vapën përvëluese të shkretëtirës.
Fotografitë janë realizuar në Sonapur, një kamp i madh pune në periferi të Dubait, larg rrokaqiejve vezullues dhe luksit marramendës që identifikon këtë qytet të Emirateve të Bashkuara Arabe.
“Sonapur“, që në gjuhën hindi përkthehet me ironi si “Qyteti i Arit”, është shtëpia e mbi 150,000 punëtorëve, shumica prej të cilëve vijnë nga India, Pakistani, Bangladeshi dhe Kina. Aty, përballë skamjes dhe izolimit, ata vazhdojnë të mbajnë gjallë shpresën për një të nesërme më të mirë.
