Pas golit vendimtar të ish-bashkëlojtarit të tij që i kushtoi eliminimin Bayern Munich-ut, mbrojtësi i Inter-it, Benjamin Pavard, është përballur me kritika nga një pjesë e tifozëve bavarezë për mënyrën si festoi fitoren në sfidën e Champions League. Megjithatë, francezi ka reaguar me një mesazh sqarues dhe të ndjerë në rrjetet sociale.
Pavard: “Bayern më bëri lojtarin që jam sot”
Në një postim në Instagram, Pavard i drejtoi këto fjalë publikut gjerman:
“Bayern më ka lejuar të bëhem lojtari që jam sot. Ky klub ka qenë shtëpia ime për shumë vite. Nuk do ta harroj kurrë çfarë nderi ishte të isha lojtari i fundit që mbajti fanellën me numrin 5 dhe të vazhdoja trashëgiminë e një legjende.”
Ai sqaroi gjithashtu se festa e tij ishte e pastër dhe pa asnjë qëllim ofendues:
“Festa ime ishte thjesht gëzimi i një fëmije që luan në një çerekfinale të Champions League. Nuk ka pasur kurrë asnjë qëllim për të mos respektuar tifozët e Bayernit. Shumë dashuri.”
Ky reagim i Pavard vjen në një moment të ndjeshëm për Bayern-in, që këtë sezon e mbyll pa trofe madhor, ndërsa Inter po marshon drejt finales së madhe. Megjithatë, gjesti i tij është vlerësuar si një përpjekje për të ruajtur raportin me një fanbase që dikur e mbështeti pa kushte.
