Këngëtarja e njohur Dafina Zeqiri dhe bashkëshorti i saj, Kreshnik Gjergji, kanë tërhequr vëmendjen e publikut pas blerjes së një karroce luksoze për djalin e tyre, me markë ‘Lamborghini’. Karroca, e cila kushton mbi katër mijë euro, është komentuar gjerësisht në rrjetet sociale.
Ndjekës të shumtë e kanë cilësuar këtë blerje si një shpenzim të panevojshëm.
“Karrocë për fëmijë Lamborghini është e tepruar sipas mendimit tim. Nuk do të thotë që duhet t’i shpenzosh të gjitha paratë vetëm pse i ke. Fëmijë është, nuk ka kuptim,” ka shkruar një komentues.
Kreshniku iu përgjigj kritikëve me ironi: “Krejt ju që po e luani ekspertin, ejani t’ju adoptoj për nga një Golf 2 të kuq.”
Një tjetër komentues u shpreh: “Të tregosh mendjemadhësi me gjëra të tilla është e panevojshme, sidomos kur ka familje që nuk kanë as për nevojat bazë.”
Në një reagim të mëtejshëm, Kreshniku shtoi: “Tani, vetëm pse disa nuk kanë, duhet të mos ketë askush? Ne po jetojmë me lekët tona. Mos u shqetësoni fare kush ka e kush s’ka. Ne ndihmat që japim nuk i bëjmë publike.”
