Një ngjarje e rëndë ka ndodhur mes dy shqiptarëve në ishullin Kos në Greqi, ku kanë mbetur të plagosur të dy.
Ende nuk janë zbardhur arsyet e sherrit mes dy tyre. Mediat greke shkruajnë se një 42-vjeçar ka sulmuar bashkatdhetarin e tij, 35-vjeç, me pushkë deti, duke i shkaktuar lëndime të lehta, por 35-vjeçari e ka goditur kundërshtarin në kokë, duke e plagosur më rëndë.
Të dy u dërguan në spitalin e ishullit ku 42-vjeçari qëndroi për mjekim dhe do të ekzaminohet nga një mjek.
Të huajt e përfshirë janë arrestuar nga Policia e Sigurimit e cila ndaj të dyve ka ngritur kallëzim për lëndim të rrezikshëm trupor, ndërsa ka konfiskuar edhe armën e gjetur në vendin e sherrit.
