Një episod aspak i zakontë ka ndodhur në Meksikë, në ndeshjen mes Tiges dhe Monterrey, ekip ku aktivizohet Sergio Ramos, i cili ishte protagonist i kësaj skene, e cila është bërë virale.
Në minutën e 50-të, Monterrey fiton penallti, topin e merr Sergio Ramos, i cili para se të ekzekutonte penalltinë provokohet keq nga portieri vendas, Nahuel Guzman, i cili bëri një gjest aspak të zakontë.
Portieri i Tigres i ktheu shpinën legjendës spanjolle me idenë për ta frikësuar atë, por më pas u rikthye në pozicionin e tij normal. Kjo gjë nuk i bëri aspak përshtypje Ramos, i cili e ekzekutoi saktë penalltinë dhe kaloi ekipin e tij në avantazh.
Megjithatë, Tigres përmbysi shifrat me dy gola të shpejtë në minutat e fundit, por gjesti i Guzman ka ngjallur kritika të shumta në rrjetet sociale dhe jo vetëm.
