Sudani ka njohur zyrtarisht pavarësinë e Republikës së Kosovës, duke i hapur rrugë vendosjes së marrëdhënieve diplomatike mes dy vendeve.
Lajmi është bërë i ditur nga Presidentja Vjosa Osmani, e cila në një postim në platformën X u shpreh:
“Sudani ka njohur Republikën e Kosovës. Faleminderit nga populli i Republikës së Kosovës. Ky është fillimi i një partneriteti të madh!”
Njohja nga Sudani përfaqëson një hap të rëndësishëm për Kosovën në arenën ndërkombëtare dhe përpjekjet për zgjerimin e njohjeve globale.
