Pasi hapi zyrtarisht fushatën një ditë më parë me mitingun në sheshin “Nënë Tereza”, Aleanca për Shqipërinë Madhështore po prezanton pasditen e kësaj të shtune programin elektoral.
Aleatët e rreshtuar në koalicion me Berishën, si pjesë e Aleancës për Shqipërinë Madhështore, janë mbledhur në Pallatin e Kongreseve.
Me anë të prezantimit të programit elektoral, ASHM kërkon votën e qytetarëve më 11 maj.
Në krah të liderit të opozitës, Sali Berisha, është edhe strategu i fushatës elektorale të presidentit amerikan Donald Trump, Chris Lacivita, i cili do të ndihmojë Partinë Demokratike në këtë fushatë elektorale.
Ndërkohë, ditën e djeshme, lideri i opozitës Sali Berisha, solli në vëmendje se Partia Demokratike ia doli të mposhtë sfidat e tre viteve të fundit; nga përplasjet brenda saj tek arresti i tij njëvjeçar në shtëpi. Berisha i kujtoi rivalit politik, Edi Rama, se asgjë nuk mund ta shkatërrojë Partinë Demokratike.
