Në fjalimin e tij gjatë çeljes së fushatës së Partisë Demokratike, kreu i saj Sali Berisha lëshoi akuza të ashpra ndaj kryeministrit Edi Rama, duke e paralajmëruar të mos ndërhyjë në procesin zgjedhor. “Edi Rama, mos prek votën se mbi tokë vend s’do kesh,” tha Berisha, duke theksuar rëndësinë e mbrojtjes së votës së lirë të qytetarëve.
Ai bëri krahasime mes përfaqësuesve të PD-së dhe kundërshtarëve politikë, duke u shprehur se “deputetët tanë nuk krahasohen me Lubinë e Bushkat”. Berisha u shpreh besimplotë se më 12 maj shqiptarët do të festojnë me Shqipëri Madhështore, dhe bëri thirrje për largimin e qeverisë aktuale përmes votës, duke e akuzuar atë për dëme të mëdha ndaj vendit. “Bashkë Shqipërinë e dhimbjes, ta kthejmë në Shqipëri të mirëqenies,” përfundoi ai.
Kreu i PD Sali Berisha në çeljen e fushatës së PD-së: Krahasoni deputetët e PD me Lubinë, me Bushkat, nuk kanë të krahasuar. Ne besojmë tek Zoti, tek Shqipëria. Më 12 maj të festojmë për Shqipërinë Madhështore, për Shqipërinë që meritojmë. Sirenat e votës së lirë të shqiptarëve po bien. Edi Rama, mos prek votën se mbi tokë vend s’do kesh. Largohu me votë se i ke bërë të këqija të mëdha këtij vendi. Bashkë Shqipërinë e dhimbjes, ta kthejmë në Shqipëri të mirëqenies.
