Një grua në Australi ka lindur fëmijën e një të panjohuri pasi klinika e fertilizimit i implantoi gabimisht embrionet e një gruaje tjetër.
Ngatërresa ndodhi në Monash IVF në Brisbane, Queensland.
“Në emër të Monash IVF, dua të them se më vjen vërtet keq për atë që ka ndodhur”, tha shefi ekzekutiv Michael Knaap duke shtuar se i gjithë stafi ndihet “i shkatërruar” nga gabimi.
Vitin e shkuar, e njëjta klinikë pagoi 26.8 milionë paund dëmshpërblim ndaj qindra pacientëve, embrionët e të cilëve u shkatërruan pavarësisht se ishin të përdorshëm.
Sipas një zëdhënësi të klinikës, stafi e kuptoi problemin në muajin shkurt kur prindërit kërkuan të zhvendosnin embrionet e tyre të mbetura në një klinikë tjetër.
“Në vend që të gjenin numrin e duhur të embrioneve, kishte mbetur një embrion shtesë”. Klinika ka konfirmuar se embrioni i një pacienteje tjetër ishte marrë gabimisht dhe vendosur te personi i gabuar, duke vijuar më pas me lindjen.
Klinika ka nisur një hetim dhe incidenti është raportuar te organet rregullatore. Sipas Knaap, klinika është e sigurt se është rast i izoluar.
