Kryeministri Edi Rama gjatë fjalës së tij në rubrikën “Sy m’sy” u është përgjigjur pyetjeve të komentuesve në rrjetet sociale. Rama mes komenteve të shumta ka pikasur një koment nga një ndjekës me emrin Dritan i cili shkruan se edhe nëse ai fiton mandatin e 4 dhe Shqipëria nuk anëtarësohet sipas planit a to të kërkojë mandat tjetër.
Rama u përgjigj se nuk është për të bërë humor pasi sipas tij i bezdis kundërshtarët e tij poltikë. Ai theksoi se nuk përdor ofendime ndajt të tjerëve siç i përdorin ndaj tij. Sipas tij i pëlqen të përdorë satirë dhe se kush nuk e përballon dot nuk duhet të merret me politikë.
“Dritan unë nuk jam këtu të bëj humor dhe bëj dhe kjo i bezdis kundërshtarët e mi. Më vjen keq por nuk bëj dot ndryshe. Unë nuk shaj nuk ngre e ul njerëzit o kriminel o mafioz o qen bir qeni. Më pëlqen të përdor satirën. Para disa ditës postova një episod i një krijimi të dy të rinjve që ma dërguan me dëshirë ta postoj, një teatër kukullash i lezetshëm sipas meje, për të dhënën një mesazh dhe është sulmuar faqja nga deputetët e subjektit të ri politik, me mendje të vjetër që nuk janë në mendje të kuptojnë satirën. Kush nuk e përballon dot nuk duhet të merren me politikë”, tha Rama.
