Një aksident është regjistruar pasditen e sotme në segmentin segmentin Milot-Rrëshen të Rrugës së Kombit.
Shoferi i një automjeti tip Volkswagen ka humbur kontrollin dhe si pasojë automjeti është përmbysur në një parcelë pranë rrugës dhe është përplasur me disa pemë përpara se të ndalonte.
Drejtuesi i automjetit dhe pasagjeri kanë mbetur të plagosur dhe janë dërguar në spital për ndihmë mjekësore.
Disa nga kalimtarët e rastit u kanë dhënë ndihmën e parë të dëmtuarve.
Dyshohet se shkak i aksidentit ka qenë shpejtësia e lartë.
Policia ka nisur hetimet për të zbardhur rrethanat e ngjarjes.
