Barcelona nuk po kalon ditët e saj më të mira në aspektin financiar, por ka mjaftueshëm të ardhura sa të mos ketë nevojë të shesë yjet e formacionit për të rifinancuar merkaton.
Fichajes, për shembull, raporton se klubi katalanas ka refuzuar një ofertë prej 50 milionë eurosh nga Manchester United për mbrojtësin e majtë, Alejandro Balde.
Klubi anglez ka tentuar 21-vjeçarin e rritur në akademinë La Masia, por Hansi Flick është shprehur kategorikisht kundër shitjes së tij.
Balde po rikthehet në formë pas dëmtimeve dhe po shkëlqen me fanellën e Barcelonës. Ai është bërë një lojtar kyç në formacionin e Hansi Flick.
