Orët po kalojnë dhe bilanci i viktimave nga tërmeti shkatërrues me magnitudë 7.7 ballë në Mianmar bëhet edhe më tragjik.
Mbi 2700 persona kanë humbur jetën, 4521 janë plagosur, dhe 441 janë ende të zhdukur, ndërsa shifrat vazhdojnë të rriten.
Ndërtesat janë shkatërruar dhe banorët e qytetit të dytë më të populluar të vendit kalojnë netë pa gjumë, duke endur rrugët të dëshpëruar.
Situata është përkeqësuar për shkak të mungesës së ushqimit dhe ujit, ndërsa furnizimet po pakësohen.
Në Tajlandën fqinje, 21 persona kanë humbur jetën, dhe 70 të tjerë janë bllokuar ende nën rrënojat në Bangkok.
Dy mjekë australianë që po ndihmojnë në koordinimin e reagimit emergjent në Mandalay, kanë akuzuar juntën ushtarake për pengimin e dërgesave të ndihmave urgjente, duke e bërë gjendjen edhe më të vështirë.
Për shkak të katastrofës, vendi ka shpallur një javë zie kombëtare.
