Të paktën 6 persona kanë humbur jetën në një aksident me një nëndetëse që ndodhi teksa po transportonte anëtarë të ekuipazhit dhe 45 turistë rusë në Egjipt, thanë zyrtarët, mes tyre edhe dy fëmijë.
Ambasada e Rusisë në Egjipt konfirmoi në një deklaratë të marrë nga ABC Neës se ka pasur një aksident të enjten në mëngjes ku përfshihej një nëndetëse që mbante anëtarë të ekuipazhit dhe 45 turistë, në Detin e Kuq më pak se një milje larg brigjeve të Hurghada, Egjipt.
Të paktën katër nga ata në bordin e nëndetëses mbetën të vdekur në incident, tha ambasada ruse.
Mjekët në departamentin e urgjencës në Spitalin Mbretëror të Hurghadës konfirmuan për ABC Neës se morën pesë pacientë nga një aksident nëndetëse të enjten. Rrethanat mbeten të paqarta.
Nuk dihet gjithashtu se sa persona ndodheshin në bordin e nëndetëses në momentin e aksidentit apo cili mund të ketë qenë shkaku.
Hurghada është një destinacion popullor turistik për plazhistët përgjatë Detit të Kuq dhe është i mirënjohur për zhytjet në skuba dhe snorkeling.
