Gazetarja Anila Hoxha ka publikuar sot detaje të reja rreth hetimeve për ngjarjen e ndodhur pak ditë më parë në qytetin e Vlorës, ku tre vajza u droguan nga dy djem, dhe njëra prej tyre dyshohet se u abuzua seksualisht.
Sipas Hoxhës, 40-vjeçari Rinald Rakipaj ka rënë në prangat e policisë pasi dyshohet se ka abuzuar seksualisht me një vajzë 15-vjeçare.
Po ashtu, së bashku me 33-vjeçarin F.Q., i cili është nën hetim, ai ka nxitur 15-vjeçaren dhe dy shoqe të saj, 15 dhe 16 vjeçe, për të përdorur lëndë narkotike.
Vajzat kishin rënë dakort që të gënjenin prindërit sikur do shkonin te njëra-tjetra, por më pas kishin bërë xhiro me makinë nëpër qytet, duke përfunduar në hotel ku kanë konsumuar dhe kokainë.
Hoxha: Vazhdimisht largohej nga shtëpia dhe nëna e vet kishte kërkuar në polici, e cila largohej fikte telefonin, megjithëse kërkonte ndihmën nuk ia ka dalë mbanë të kontaktojë me psikologë, rezulton se e kishte braktisur shkollën, ishin gjimnaziste dhe shoqe me 15 vjeçaren. Të treja kanë dalë xhiro në Lungomare, njëri prej të dyshuarve njihte nxënësen e shkollës dhe kanë bërë shëtitje me makinën e tij, nën hetim është edhe një tjetër për moskallëzim krimi.
Pasi kanë përfunduar shëtitje kanë kërkuar të ripërsëritet xhiro dhe kanë kërkuar të qëndrojnë së bashku se do marrin leje nga prindërit se janë tek njëra-tjetra. Si në momentin që kanë vendosur të qëndrojnë në hotel si është pranuar regjistrimi i tyre. Kokaina është ofruar vetëm ndaj 15-vjeçares, drogën e kishte Rakipaj, i cili rezulton se ishte me precedent në fushën e drogës, deri në mëngjes kanë qëndruar, pritet përgjigjja e mjekësisë ligjore. Në momentin që të treja kanë nisur të tregojnë se çfarë ka ndodhur, nuk është ngritur ende vepra e abuzimit, por vetëm e drogës.
