Moti sot do të vijojë i paqëndrueshëm, me alternime kthjellimesh dhe vranësirash, ku në zonat veriore dhe veriperëndimore do të ketë rrebeshe të izoluara shiu. Pas mesditës, reshje shiu do të përfshijnë Ultësirën Perëndimore, ndërsa në zonat e thella malore do të ketë reshje dëbore. Ky destabilitet do të vazhdojë edhe gjatë natës.
Temperaturat do të jenë të ulëta, me vlera që variojnë nga 3°C në zonat malore deri në 20°C në bregdet. Era do të fryjë mesatare deri e fortë, me shpejtësi deri në 50 km/h nga jug, duke krijuar dallgëzim 4 ballë në brigjet detare.
