Lezhë– Nga Lezha ku u prezantuan kandidatët për deputet të Partisë Socialiste për këtë qark, kryeministri Edi Rama, u ndal tek drejtësia.
Ai tha se drejtësia më parë ka qenë e kapur nga pushteti, ndërsa ishte reforma në drejtësi nismë e ndërmarrë nga PS, e cila e hoqi kontrollin që politika kishte tek drejtësia.
Kryeministri tha se me urdhër të atij që ka qenë i pari i qeverisë duke iu referuar Sali Berishës kur ka qenë në pushtet, janë burgosur edhe ministra, ndërsa sot drejtësia është e pavarur nga psuhteti.
‘Drejtësinë e ka pasur në dorë vetëm një njeri ai që ka qenë i pari i qeverisë, i burgosuri i fundit politikë është Fatos Nano, sepse e futi në burg bufi i kënetës sepse e urdhëroi drejtësinë që të bëjë një çmenduri politike. Sot ne se kemi më në kontroll drejtësinë kemi bërë një reformën në drejtësi. Janë futur në burg ministra, por me urdhër nga i pari, kurse sot është diçka tjetër. Por sot janë të gjithë të barabartë para ligjit. Ata thonë ku i ke shokët, shihni sa shok kam unë këtu. Bufi thotë më jepni votën në 11 maj dhe më 12 do shkrij SPAK’, tha ai.
Kryeministri u ndal edhe tek antëtarësimi i vendit në BE, ku tha se brenda mandatit të 4 vendi synimi i PS është që vendi të jetë pjesë e BE. Ai ftoi të rinjtë që të bëheshin pjesë e projektit të PS për të ardhmen europiane të vendit.
‘Në këtë nxemje të fushatës kemi zgjedhur këto takime me më të rinjtë, sepse përfituesit më të mëdhenj të vendit në BE do të jeni ju. Dhe për këtë arsye unë besoj që ju që jeni këtu, bashkë më të tjerët duhet që të angazhoheni që në 11 maj votuesit e parë të mbështesin negociata për anëtarësim për në BE dhe mbylljen e negociatave në fund të 2027 dhe ta anëtaërsojnë në fund të kësaj dekade’, tha ai.
Rama ironizoi edhe partitë e reja të vogla që kandidojnë për herë të parë në këto zgjedhje.
“Tani, thonë se kanë dalë ca parti të reja. Çfarë të reja? 17 vetë që kanë dalë për dekriminalizim. Unë personalisht nuk mendoj se janë bashkëpunëtorë të krimit. Por janë nën verifikim, parti të reja, as ata se kanë ditur, me kukumjaçka, me individë, ne i kemi vuajtur vetë në të kaluarën”, tha Rama.
Në fjalën e tij, kryeministri, teksa bëri batutë me fjalimin e ministrit Manja, që tha se Edi Rama do jetë në detyrë edhe në fitoren e mandatit të pestë (duke parashikuar një mandat shtesë përtej 2030), kujtoi se për atë mund të fliste vetë.
“Jo se PS nuk do marri mandatin e pestë. Për pjesën time nuk flet Ulsiu, flas vetë. Por Ulsiu deputet po, ministër po, prokuror po, por thonë të tjerët se mos di ndonjë gjë Ulsiu. Ja sa dorëzove ti detyrën, ra qetësia (batutë dhe për foninë që pati probleme)”, tha shefi i qeverise.
