Një studim i fundit nga Universiteti i Buffalo-s dhe Universiteti Shtetëror i Ohios ka zbuluar një lidhje të fortë mes përdorimit të tepruar të mediave sociale dhe shëndetit të dobët fizik tek studentët në universitet.
Përmes matjes së niveleve të inflamacionit dhe simptomave të shëndetit të dobët tek 251 studentë, studiuesit zbuluan se ata që përdornin mediat sociale më shumë kishin nivele të larta të proteinës C-reaktive (CRP), një tregues i inflamacionit kronik në trup. Pjesëmarrësit që kalonin më shumë kohë në mediat sociale gjithashtu raportuan më shumë simptoma somatike, përfshirë dhimbje koke, dhimbje gjoksi dhe dhimbje shpine, dhe kishin më shumë vizita tek mjekët për trajtimin e këtyre shqetësimeve.
Ky studim sugjeron se përdorimi i tepruar i mediave sociale mund të ndikojë në cilësinë e gjumit dhe të shkaktojë stres të shtuar, çka mund të ketë pasoja negative për shëndetin fizik, duke rritur rrezikun për sëmundje të zemrës dhe hipertension. Studiuesit shpresojnë se ky hulumtim do të nxjerrë më shumë informacione mbi lidhjen ndërmjet mediave sociale dhe shëndetit fizik, duke përfshirë ndikimet e mundshme të këtyre platformave në sjelljet shëndetësore të përdoruesve.
