Një përballje vendimtare për Interin, që pret Feyenoordin në San Siro në sfidën e kthimit të 1/8-ve të Ligës së Kampionëve. Pas fitores 2-0 në Holandë javën e kaluar, skuadra e Inzaghit është favorite, por duhet të konfirmojë dominimin edhe sonte në orën 21:00 për të prerë biletën për çerekfinale.
Nëse kalon më tej, Interi do të përballet me fituesin e çiftit Bayern – Bayer Leverkusen, ku bavarezët janë më të favorizuar pas triumfit 3-0 në ndeshjen e parë në Allianz Arena.
Formacioni i mundshëm i Interit
Inzaghi ka dilemën e Lautaro Martinez, i cili vuan nga një lodhje muskulore dhe pritet të fillojë nga stoli. Në sulm, Taremi do të luajë përkrah Thuram, ndonëse edhe francezi ka shqetësime me kyçin e këmbës. Sommer rikthehet në portë në vend të Josep Martinez, ndërsa Barella dhe Bastoni priten të pushojnë, duke i lënë vendin Frattesi dhe Carlos Augusto. Në mbrojtje, De Vrij pritet të zërë vendin e Acerbit, ndërsa Bisseck do të luajë në krahun e majtë të mbrojtjes. Dimarco mbetet jashtë.
Inter (3-5-2): Sommer; Pavard, De Vrij, Bisseck; Dumfries, Frattesi, Calhanoglu, Mkhitaryan, Carlos Augusto; Thuram, Taremi.
Formacioni i mundshëm i Feyenoordit
Probleme edhe për trajnerin Van Persie, i cili nuk do të ketë në dispozicion Paixao për shkak të një dëmtimi. Në vend të tij, Hadj Moussa dhe Ivanusec do të mbështesin sulmuesin kryesor Carranza, ndërsa mbrojtja do të udhëhiqet nga ish-lojtari i Fiorentinës, Hancko.
Feyenoord (4-3-3): Wellenreuther; Read, Trauner, Hancko, Hugo Bueno; Moder, Beelen, Smal; Hadj Moussa, Carranza, Ivanusec.
