Zëvendëskryeministri i Serbisë, Aleksandar Vulin, tha sot në bisedë me ambasadorin e Bjellorusisë në Beograd, Sergej Malinovski, se ka pranuar ftesën për konferencën ndërkombëtare për sigurinë euroaziatike, e cila do të mbahet në Minsk.
Vulin tha se Bjellorusia ka qenë gjithmonë mike e Serbisë dhe e ka mbështetur atë në institucionet ndërkombëtare, gjë që e ka treguar me mosnjohjen e Kosovës dhe votën kundër rezolutës për Srebrenicën në Asamblenë e Përgjithshme të Kombeve të Bashkuara, për të cilën Beogradi është mirënjohës.
Malinovski dhe Vulin u pajtuan se bashkëpunimi ndërmjet dy vendeve është në nivel të lartë dhe se ka vend për përmirësim, njoftoi Qeveria e Serbisë.
