Albanian
English
Italian
Kryeministri Edi Rama ka folur sot për operacionin të cilit iu nënshtrua disa ditë më parë dhe peripecitë që i është dashur të kalojë.
Në “podkastin” e tij, ai rrëfeu sesi një ditë pas ndërhyrjes për hernien inguinale duhet të qëndronte në këmbë për të pritur presidentin turk Erdogan.
Por nuk përfundon me kaq. Edi Rama ka vazhduar më tej duke treguar se një ditë pas vizitës së Erdogan me të cilin inauguroi Xhaminë e Namazgjasë, ju desh të udhëtonte drejt Hungarisë për të takuar kryeministrin Viktor Orban.
“Mu desh të kryej një ndërhyrje kirurgjikale dhe të marr rrugët kundër shkencës, komplet, se duhet të qëndroja të paktën 3 ditë pushim, por ishin 3 ditë komplet të pamundura sepse të nesërmen duhet të rrija në këmbë për të pritur sulltanin, që vinte nga Lindja.
Pastaj të nesërmen duhet të merrja rrugët në qendrën e ish perandorisë hungareze për të takuar mikun tim Viktor Orban, për ta falënderuar për gjithçka bërë Hungaria për këtë shtysë të fundit dhe pastaj duhet të shkonim së bashku dhe të uleshim në atë sofër si të barabartë”, tha ai.
Kryeministri Edi Rama është shprehur se në kushtet kur nuk mund të pushonte dot për tre ditë me radhë pas operacionit në QSUT, është detyruar të bëjë disa injeksione shumë të forta në trup, të cilat i kanë mbajtur larg dhimbjet e ndërhyrjes kirurgjikale për hernien inguinale
“Kjo bëri që nën efektin e disa injeksioneve shumë të forta, që kishin si pasojë qëndrimin pa gjumë për të shmangur dhimbjet, kam shëtitur pas shumë vitesh nëpër ekrane”, përfundoi ai.
