Një aksident automobilistik ka ndodhur pak minuta më parë në zonën e ish-Kënetës te rruga Vëllazërimi, në qytetin e Durrësit.
Një automjet tip ‘Benz’ që po drejtohej nga një 19-vjeçar me inicialet E. B., ka përplasur një monopatinë në të cilën po lëviznin dy djem adoleshentë të moshës 16-vjeçare. Dy fëmijët janë dërguar me urgjencë në Spitalin e Durrësit dhe janë nën kujdesin e mjekëve.
Në vendin e ngjarjes ka mbetur monopatina me të cilën kishin dalë xhiro adoleshentët e përplasur. Shoferi është shoqëruar nga policia për veprime të mëtejshme.
“Durrës/Informacion paraprak. Rreth orës 20:40; në lagjen nr. 17/1, Durrës, një automjet me drejtues shtetasin E. B., 19 vjeç, është përplasur me një monopatinë me të cilën lëviznin dy të mitur 16-vjeçarë.
Si pasojë kanë mbetur të lënduar dy të mitur, të cilët ndodhen në spital nën kujdesin e mjekëve. Drejtuesi i automjetit, shtetasi E. B, është shqëruar në ambientet e Komisariatit të Policisë për veprime të mëtejshme.
Grupi hetimor ndodhet në vendngjarje dhe po punon për sqarimin e rrethanat e aksidentit”, njoftoi Policia.
