Kryeministri Edi Rama, gjatë një fjalimi në Sheshin Skënderbej, theksoi se ai nuk mund të shprehte opinion mbi përgjegjësinë e kryebashkiakut të Tiranës, Erion Veliaj.
Rama e bëri të qartë se është detyrë e drejtësisë të vlerësojë dhe të japë vendimin për çdo çështje që lidhet me përfshirjen e funksionarëve të lartë.
“Organet e reja të drejtësisë s’kanë si të jenë të pagabueshme. Unë e di se gabimet tona mund të shkatërrojnë jetë njerëzish. Duhet të durojmë dhe duhet të vazhdojmë të luftojmë. Ndonjëherë këto dëm janë aq të dhimbshme dhe të padrejta. Kushdo që udhëheq nuk duhet të lekundet nga asnjë dhimbje në rrugën e drejtë të vizionit për të cilin e kanë zgjedhur. Ose ndryshojnë për keq, ose degradon, siç u kalb Tirana në vitin 2000. Hyra në Bashki, dhe kishte vetëm 78 llampa neon që ndriçonin në rrugën e saj. Le ta përfytyrojnë të gjithë ata që sot jetojnë ku e ku më mirë sesa dje. Dhe pa asnjë turp thonë ju të gjithë jeni. Dhe nga ndërprerjet e pafundme të energjisë elektrike, Tirana dukej natën si varreza qyteti, varresh mbrapa. Që ta mbyll këtë parantezë.
Nuk më takon mua të them nëse Lali Eri është i pafajshëm apo fajtor. Pavarësisht se ca mendojmë ne, barra ime është që në këtë detyrë të qëndroj mbi opinionin tim dhe t’ia lë drejtësisë të ndajë këtë dilemë duke mbështetur pavarësinë e organeve të drejtësisë. Barra juaj e përbashkët është që makineria e bashkisë së Tiranës të mos fiket as një minutë po të xhirojë 24 orë në të gjitha drejtimet. Deri kur çështja e Erionit të marrë drejtim, vëmendja ime për Tiranën do jetë e pandërprerë. Uroj dhe dua të besoj akoma që përtej asaj çka mendojmë për fajësinë e tij, organet e drejtësisë do ia japin të drejtën më elementare të një gjyqi dinjitoz duke i dhënë fund praktikave brutale të prangave pa gjyq.”
