Ish-drejtuesi i Nvidia-s, Jensen Huang, ka pasur një tjetër marrëdhënie intime me një punonjëse të kompanisë, sipas dy burimeve të cituara nga agjencia Reuters. Lajmi vjen një ditë pas publikimit të raportimeve për dy marrëdhënie të tjera jashtëmartesore, të cilat paraprinë largimin e tij nga drejtimi i gjigantit të çipave të inteligjencës artificiale.
Sipas Reuters, punonjësja e dytë nuk është identifikuar publikisht dhe përpjekjet për ta kontaktuar kanë rezultuar të pasuksesshme. Raportimet e mëparshme lidhen me Alice Huang, një biznesmene kineze për të cilën inteligjenca amerikane dyshon se ka spiunuar në favor të Pekinit, si dhe Kimberly Powell, zv/presidente e Nvidia-s për sektorin e kujdesit shëndetësor, e cila raportonte drejtpërdrejt te Huang.
Nvidia nuk pranoi të komentojë mbi raportimin e ri, ndërsa as Jensen Huang dhe as Kimberly Powell nuk iu përgjigjën kërkesave të Reuters për koment. Huang kishte pranuar më herët se kishte qenë i pabesë ndaj bashkëshortes, por pa dhënë emra apo hollësi për marrëdhënien. Zhvillimet e fundit kanë shtuar presionin mbi kompaninë, e cila tashmë po përballet me një hetim të brendshëm dhe shqetësime për sigurinë kombëtare amerikane.
