Kryeministri Edi Rama ka deklaruar se Shqipëria është në kontakt të vazhdueshëm me Italinë dhe Francën për çështjet e sigurisë, ndërsa institucionet po ndjekin me kujdes zhvillimet e fundit.
Në një deklaratë për mediat, Rama u shpreh se ka zhvilluar një takim me ministrin e Brendshëm, i cili një ditë më parë kishte marrë pjesë në një vizitë në Itali, së bashku me përfaqësues të vendeve të tjera europiane, për të shkëmbyer eksperienca dhe për të koordinuar punën.
“Jemi në kontakt të vazhdueshëm. Flaka e terrorit urban të Atifës është shfaqur me forcën e vet të verbër, ndërkohë që ne kemi edhe një sërë specifikash që i ndjekim me shumë kujdes”, deklaroi Rama.
Kryeministri theksoi se bashkëpunimi me partnerët europianë vijon, ndërsa autoritetet shqiptare po monitorojnë me vëmendje situatën dhe zhvillimet që lidhen me sigurinë.
