Shqipëria do të mbetet nën ndikimin e masave ajrore të paqëndrueshme, duke sjellë mot me vranësira të shpërndara në gjithë territorin e vendit.
Zona më të prekura do të jenë ato qendrore dhe jugore, ku parashikohen reshje shiu në bregdet dhe zona të ulëta, ndërsa në zonat malore reshje dëbore. Pasdite, pritet që moti të ndjekë periudha të kthjellimeve të shkurtra dhe vranësira të shpeshta, duke sjellë reshje të lehta shiu dhe dëbore, sidomos në Jug dhe juglindje të vendit.
Temperaturat do të regjistrojnë një rritje të lehtë, si në mëngjes ashtu edhe në mesditë, me vlera që do të variojnë nga -1°C në Peshkopi deri në 16°C në Fier dhe Kuçovë. Era do të fryjë mesatarisht me shpejtësi mbi 65 km/h nga juglindja, duke krijuar valëzim të fortë në brigjet detare, deri në 5 ballë.
