Një shpërthim me lëndë plasëse është regjistruar në Tiranë, ku objektiv ka qenë automjeti i avokatit Idajet Beqiri.
Ngjarja ka ndodhur në afërsi të rrugës “Myslym Shyri”, ku më herët u raportua për shpërthimin e një automjeti.
Në vendngjarje kanë mbërritur shërbimet e Policisë, të cilat po punojnë për të zbardhur rrethanat e incidentit dhe për të përcaktuar autorët e mundshëm.
Nga të dhënat paraprake, nuk raportohet për persona të lënduar. Ndërkohë, mbetet për t’u sqaruar se si është vendosur lënda plasëse dhe nëse ngjarja lidhet me veprimtarinë e avokatit.
Hetimet për zbardhjen e plotë të ngjarjes vijojnë, ndërsa priten detaje të mëtejshme nga autoritetet.
