Bashkëshortja e kryebashkiakut Erion Veliaj, Ajola Xoxa, ka dalë nga ambientet e GJKKO-së pas një seance maratonë.
GJKKO i hoqi masën arrest në shtëpi Ajolës, duke i caktuar masën detyrim paraqitje, dhe ndalimin e daljes jashtë shtetit, pa autorizimin e gjykatës.
Sakaq Ajola nuk bëri asnjë prononcim për mediat. Me të dalë nga GJKKO, ajo u fut në makinë dhe u largua, duke heshtur para kamerave.
Teksa ishte në gjykatë, Ajola Xoxa raportohet se ka kërkuar ndryshimin e masës në ‘detyrim paraqitje’, teksa ka deklaruar: “Kujdesem për fëmijën, nuk kam askënd kush të na ndihmojë dhe më jepni një masë më të butë”.
Prokurori Altin Dumani replikoi: “Ne kemi kërkuar arrest shtëpie pikërisht për shkak të fëmijës dhe kemi pasur parasysh parimin e humanizmit”.
Kujtojmë se Gjykata e Posaçme konfirmoi mbrëmjen e sotmer masën e sigurisë “arrest në burg” për Erion Veliajn, kreun e Bashkisë së Tiranës, i cili është dërguar në paraburgimin e Durrësit.
