Papa Leoni XIV paralajmëroi të premten për rreziqet e inteligjencës artificiale, duke thënë se njerëzimi duhet të shmangë humbjen e identitetit dhe vlerave njerëzore në një botë gjithnjë e më të dominuar nga teknologjia. Deklarata u bë gjatë vizitës së tij të parë zyrtare në Francë, pas takimit me presidentin Emmanuel Macron në Paris.
“Duhet të shmangim humbjen e njerëzores në një parajsë makinash që pushtojnë dhe kushtëzojnë jetën tonë të përditshme”, tha Papa. Ai kërkoi më shumë edukim mbi dallimin etik, duke theksuar nevojën që zhvillimi teknologjik të mos zëvendësojë gjykimin njerëzor.
AI ka qenë një nga çështjet kryesore të papatit të Leonit XIV, i cili ka kërkuar që teknologjia të zhvillohet duke mbrojtur dinjitetin dhe të drejtat e njeriut. Gjatë vizitës në Francë, Papa pritet të marrë pjesë edhe në aktivitete me mijëra të rinj dhe të vizitojë katedralen Notre-Dame.
