Në seancën plenare, deputeti i Partisë Socialiste, Blendi Klosi, ka replikuar me Sali Berishën në lidhje me masën e sigurisë për ish-drejtuesen e SHISH, Vlora Hyseni.
Ai tha e PS do vazhdojë të mbështesë reformën në drejtësi dhe nuk do të mbrojë asnjë individ, i cili hetohet nga drejtësia.
Gjatë fjalës së tij, Klosi i kujtoi Berishës se si e kishte përdorur kreun e shërbimit në kohën që ai qeveriste Shqipërinë.
“Ne e kemi dëshmuar jo vetëm si vullnet politik, por me fakte, që ajo që kemi bërë me reformën në drejtësi do jetë standardi ynë. Në asnjë rast nuk do të marrim asnjë funksionar në mbrojtje në asnjë rast, nuk do shmangim nga përgjegjësia individuale çdo individ që do të përballet me drejtësinë e re.
Ajo që bëre ti me shefin e shërbimit kur ti ishte në pushtet, kur shefi i shërbimit tënd Gazidede, megjithëse ishte akuzuar për të vrarë njerëz u bë komandat i Forcave të Armatosura në 1997 për të vrarë akoma më shumë njerëz, për të shkatërruar Shqipërinë. Sot vazhdon të jesh non grata, vazhdon të jesh i akuzuar si i korruptuari më i madh i Ballkanit.”, tha ai.
